COVID-19 əleyhinə birinci doza vaksinasiya olunanların sayı 5 milyon nəfəri ötüb
Bakı, 10 noyabr, AZƏRTAC
Azərbaycanda yeni növ koronavirus (COVID-19) infeksiyası əleyhinə birinci doza vaksinasiya olunanların sayı 5 milyon nəfəri ötüb.
Nazirlər Kabineti yanında Operativ Qərargahdan AZƏRTAC-a bildirilib ki, birinci mərhələ üzrə peyvənd olunanların ümumi sayı 5 milyon 1 min 669 nəfər təşkil edir.
Məlumata əsasən, son sutkada isə 2 min 86 nəfər birinci mərhələ üzrə vaksinasiya olunub.
Qeyd edək ki, Azərbaycanda bu günə qədər vurulan vaksin dozalarının ümumi sayı 9 milyon 941 min 341-dir.
Bölmənin digər xəbərləri
