Culian Assanj ABŞ-a ekstradisiyasına qarşı məhkəmə iddiasında qələbə qazanıb
London, 20 may, AZƏRTAC
Bu gün London Ali Məhkəməsinin hakimləri “Wikileaks”in təsisçisi Culian Assanjın ABŞ-a ekstradisiya edilib-edilməməsi məsələsi haqqında qərar veriblər.
AZƏRTAC-ın müxbiri xəbər verir ki, hakimlərin qərarına görə, Culian Assanja ABŞ-a ekstradisiyasına etiraz etmək hüququ verilib.
ABŞ tərəfi Culian Assanjın ABŞ-a ekstradisiya olunacağı təqdirdə söz azadlığı hüququndan istifadə edə biləcəyinə dair və ona ölüm hökmü verilməyəcəyinə dair məhkəməyə təminat vermişdi.
Bugünkü dinləmədə Culian Assanjın vəkilləri ABŞ-ın verdiyi vədlərin əksəriyyətinin açıq-aşkar qeyri-adekvat olduğunu deyib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
