Daha iki Azərbaycan boksçusu Avropa birinciliyinin 1/4 final mərhələsinə vəsiqə qazanmışdır [YENİLƏNİB]
Bakı, 12 noyabr (AZƏRTAC). Rusiyanın Anapa şəhərində yeniyetmələr arasında boks üzrə Avropa birinciliyi davam edir.
AZƏRTAC xəbər verir ki, milli komandamızın daha üç üzvü rinqə çıxmışdır. Yarışda 46 kiloqram çəki dərəcəsində mübarizə aparan Rüfət Hüseynov ilk görüşdə İngiltərə idmançısı Konnor Batleri məğlub etmişdir. Boksçumuz 1/4 finalda Ermənistan nümayəndəsi Sergey Getevonyanla qarşılaşacaqdır.
Tayfur Əliyev (52 kq) də ilk görüşünü qələbə ilə başa vurmuşdur. Həmyerlimiz rumıniyalı Marian Ruta üzərində çətin qələbə qazanmışdır. T.Əliyev 1/4 finalda macarıstanlı İştvan Szaka ilə üz-üzə gələcəkdir.
İsmayıl Hüseynov (63 kq) isə İrlandiya təmsilçisi Cohn Coyza uduzaraq yarışla vidalaşmalı olmuşdur.
Qeyd edək ki, noyabrın 16-dək davam edəcək yarışda millimiz baş məşqçi Rasim Məmmədov, məşqçilər Elbrus Rzayev, Hüseyn Bağırov və Təvəkkül Məmmədovun rəhbərliyi altında çıxış edir. Avropa birinciliyində 13 yeniyetmə boksçumuz gücünü sınayır.
Bölmənin digər xəbərləri
