Daşkənddə idarəetmə və şəffaflıqla bağlı forumda azərbaycanlı mütəxəssislər də iştirak edib

14.04.2019 [16:41]
Çap et
A⁺ A^-

Daşkənd, 14 aprel, АZƏRTAC

Özbəkistan Maliyyə Nazirliyinin təşkilatçılığı ilə Daşkənddə peşəkar etika, idarəetmə və şəffaflıq (PRİMO) üzrə 15-ci forum keçirilib.

AZƏRTAC xəbər verir ki, azərbaycanlı mütəxəssislərin də qatıldıqları forumda 25 ölkədən iqtisadçı alimlər, bank sahəsi üzrə mütəxəssislər, Dünya Bankının, İslam İnkişaf Bankının, Asiya İnkişaf Bankının, Dünya Ticarət Təşkilatının və digər beynəlxalq maliyyə qurumlarının təmsilçiləri iştirak ediblər.

Forumda dövlət investisiya layihələrində özəl kapitalın iştirakı, tədarükün təşkilinin hüquqi və etik əsasları, iri investisiya layihələri çərçivəsində idarəetmə, dövlət investisiya layihələrindən istifadə, müasir texnologiyaların tətbiqi və digər mövzularda müzakirələr aparılıb.

Qulu Kəngərli

AZƏRTAC-ın xüsusi müxbiri

Daşkənd