DAŞKƏNDDƏ SOSİAL HƏRƏKATLAR MÖVZUSUNDA KONFRANS KEÇİRİLMİŞDİR
Konfransda Azərbaycan, Türkiyə, Fransa, İran, Hollandiya, Rusiya, Pakistan, Niderland, Qazaxıstan, Mərakeş, Hindistan, Malayziya və başqa ölkələrdən gəlmiş alimlər iştirak etmişlər. Azərbaycandan bu konfransa Milli Elmlər Akademiyası Şərqşünaslıq İnstitutunun baş elmi işçisi Solmaz Rüstəmova-Tohidi dəvət olunmuşdu.
Tədbirdə XX əsrin 20-ci illərində Türküstanda gizli antisovet hərəkatı, Xivə xanlığında və Türkiyədə dövlət quruculuğunda islahatçılıq, XX əsrin əvvəllərində Türküstanda gənclər hərəkatı və onların Şərq dövlətləri ilə münasibətləri, gənc əfqanlar hərəkatının yüksəlişi və süqutu mövzularında məruzələr dinlənilmişdir. Solmaz Rüstəmova–Tohidinin “Gənc Azər” təşkilatının Azərbaycanda sovet rejiminə qarşı mübarizəsi (1920-ci illər) mövzusunda məruzəsi maraqla qarşılanmışdır.
Bu silsilədən olan növbəti konfrans Bakıda keçiriləcəkdir.
Bölmənin digər xəbərləri
