Daşqınlardan zərərçəkmişlərə yardımlar Braziliya büdcəsinə azı 2 milyard dollara başa gələcək
Bakı, 18 may, AZƏRTAC
Braziliya hökumətinin qiymətləndirmələrinə görə, ölkənin ən cənub əyalətində dağıdıcı daşqınlardan sonra görülən yardım tədbirləri dövlət büdcəsinə ən azı 13,4 milyard reala (2,6 milyard dollar) başa gələcək.
AZƏRTAC xəbər verir ki, Braziliya Maliyyə Nazirliyinin məlumatına görə, aprelin sonundan bəri Braziliyanın Riu-Grandi-du-Sul əyalətinə yağan güclü yağışlar rekord sayda daşqınlara səbəb olub və nəticədə 150-dən çox insan həlak olub, 100-ə yaxın sakin isə hələ də itkin düşmüş hesab olunur, 500 mindən çox insan evlərini tərk etmək məcburiyyətində qalıb.
Kiçik müəssisələr üçün aşağı faiz dərəcələri ilə kredit xətlərinə zəmanət planı və daşqınlardan zərər çəkmiş ailələrə maliyyə yardımı proqramı cari büdcə hesablamalarına daxil edilən tədbirlər sırasındadır.
Lakin çox güman ki, bu rəqəm artacaq, çünki nazirlik bu yaxınlarda elan edilmiş köçkünləri yerləşdirmək üçün özəl sektordan evləri almaq planı kimi digər tədbirlərin maliyyə nəticələrini açıqlamayıb.
Bölmənin digər xəbərləri
