Daxili Qoşunların Ali Hərbi Məktəbinə əlavə kursant qəbulu davam edir
Bakı, 16 avqust, AZƏRTAC
Daxili İşlər Nazirliyi Daxili Qoşunlarının Ali Hərbi Məktəbinə avqustun 14-dən başlanan əlavə kursant qəbulu davam edir.
Bu barədə AZƏRTAC-a Dövlət İmtahan Mərkəzindən məlumat verilib. Bildirilib ki, müsabiqədə Daxili İşlər Nazirliyinin Polis Akademiyasına qəbul olmaq üçün mandatdan keçib III ixtisas qrupu üzrə imtahan vermiş, lakin test imtahanının nəticəsinə əsasən müsabiqədən keçməmiş 250 və daha yuxarı bal toplamış abituriyentlər iştirak edə bilərlər.
Müsabiqədə iştirak etmək istəyən abituriyentlər avqustun 16-da və 17-də Daxili İşlər Nazirliyi Daxili Qoşunlarının Baş İdarəsinə (ünvan: Bakı şəhəri, Binəqədi rayonu, Q.Musabəyov küçəsi, 4) müraciət etməlidirlər.
Bölmənin digər xəbərləri
