DƏNİZÇİLİK VƏ MİLLİ AVİASİYA AKADEMİYALARINA SƏNƏD QƏBULU BAŞLANMIŞDIR
Tələbə Qəbulu üzrə Dövlət Komissiyasından AZƏRTAC-ın müxbirinə bildirmişlər ki, Azərbaycan Dənizçilik Akademiyasının, Milli Aviasiya Akademiyasının I qrup ixtisaslarını seçən əvvəlki illərin məzunları sənədlərini iyunun 15-dək, 2004-cü ilin məzunları isə iyunun18-dən 30-dək həmin təhsil müəssisələrində yaradılmış sənəd qəbulu komissiyalarına təqdim etməlidirlər. Onlar həmin təhsil müəssisələrində xüsusi tibbi və psixoloji müayinədən keçəcəklər. Milli Aviasiya Akademiyasının I qrup ixtisaslarını seçənlər həm də xarici dil üzrə müsahibədən keçməlidirlər.
Müayinədən və müsahibədən müvəffəqiyyətlə keçən abituriyentlər ərizələrində bu ali məktəblərin müvafiq ixtisaslarını göstərmək hüququ qazanırlar.
Bölmənin digər xəbərləri
