DEPUTATLARIMIZ BEYNƏLXALQ KONFRANSDA İŞTİRAK EDƏCƏKLƏR
Milli Məclisin mətbuat xidmətindən AZƏRTAC-a bildirmişlər ki, parlamentin İnsan hüquqları daimi komissiyasının sədri Rəbiyyət Aslanova və deputat Məlahət Həsənova noyabrın 20-22-də Tailandın paytaxtı Bankoqda deputatların BMT-nin Əhali artımı və İnkişaf üzrə Fəaliyyət Proqramının həyata keçirilməsinə həsr olunmuş III beynəlxalq konfransında iştirak edəcəklər.
Tədbirdə sağlamlıq, əhali artımının tənzimlənməsi, beynəlxalq və ölkədaxili miqrasiya, gender bərabərliyi, təhsil problemləri və bu məsələlərin həllində parlamentarilərin rolunun artırılması məsələləri müzakirə ediləcəkdir.
Azərbaycan nümayəndə heyətinin üzvləri müzakirəyə çıxarılacaq məsələlərə münasibət bildirəcək, onların həlli istiqamətində qarşıya çıxan çətinliklərin aradan qaldırılması barədə fikirlərini söyləyəcəklər.
Bölmənin digər xəbərləri
