DEPUTATLARIMIZIN ÇIXIŞI MARAQLA QARŞILANMIŞDIR
Şaitdin Əliyev AZƏRTAC-ın müxbirinə demişdir ki, sessiyada QİƏT ölkələri arasında iqtisadi əlaqələrin gücləndirilməsi, turizmin inkişafı, əlillərin sosial, hüquqi müdafiəsi, eləcə də qurumun Parlament Assambleyası ilə Avropa Parlamentinin münasibətlərinin genişləndirilməsi məsələləri müzakirə olunmuşdur. Əlillərlə bağlı məsələdə deputatlarımız Ermənistan-Azərbaycan, Dağlıq Qarabağ münaqişəsinin acı nəticələri, insanların bu gün də təcavüzün qurbanına çevrilməsindən, münaqişə bütövlükdə Cənubi Qafqazda təhlükə mənbəyi olduğu üçün regionda turizmin inkişaf etdirilməsinin qeyri-mümkünlüyündən danışmışlar. Onlar beynəlxalq təşkilatların, eləcə də QİƏT–in problemin həllindəki rolunun vacibliyini qeyd etmişlər.
Azərbaycan nümayəndə heyətinin çıxışı iştirakçılar tərəfindən maraqla qarşılanmış və onlar məsələyə dünya ictimaiyyətinin ciddi münasibət bildirməsinin vacibliyini vurğulamışlar.
Bölmənin digər xəbərləri
