“Dərs vaxtı” proqramında STEAM dərslərinin yayımına start verilir
Bakı, 1 fevral, AZƏRTAC
Bu gündən “Dərs vaxtı” proqramında STEAM dərslərinin yayımına start verilir.
Bu barədə AZƏRTAC-a Təhsil Nazirliyindən məlumat verilib. Bildirilib ki, nazirliyin dəstəyi ilə həm Azərbaycan, həm də rus bölmələri üçün hazırlanan STEAM dərslərini “Mədəniyyət” kanalından, eyni zamanda, Təhsil Nazirliyinin rəsmi “YouTube” kanalı, rəsmi “Facebook” səhifəsi, eləcə də videodərslər portalından (https://video.edu.az/) izləmək mümkündür.
STEAM dərslərinin yayım vaxtını “Dərs vaxtı”nın hər gün paylaşılan cədvəlindən öyrənmək olar.
Qeyd edək ki, 2019-2020-ci tədris ilinin əvvəlindən Heydər Əliyev Fondunun dəstəyi ilə tətbiqinə başlanılan STEAM (Elm - Science, Texnologiya - Technology, Mühəndislik - Engineering, İncəsənət - Art və Riyaziyyat - Math) layihəsinin əsas məqsədi respublikanın ümumtəhsil məktəblərində təhsil alan şagirdlərdə XXI əsr bacarıqlarını - kreativlik, tənqidi düşünmə, əməkdaşlığın inkişaf etdirilməsi, müxtəlif proqramlaşdırma dillərini tətbiq etməklə müasir İKT avadanlıqlarından istifadə edə bilmə qabiliyyətlərini yüksəltməkdir.
Bölmənin digər xəbərləri
