DƏVƏÇİDƏ MEYVƏ BAĞLARININ SAHƏSİ 3 DƏFƏDƏN ÇOX ARTIRILMIŞDIR
Bakı, 24 mart (AZƏRTAC). Dəvəçi Rayon İcra Hakimiyyətindən bildirmişlər ki, son bir neçə ildə rayonda meyvə bağlarının sahəsi 3 dəfədən çox artırılaraq 1100 hektara çatdırılmış, 140 hektar üzüm bağı salınmışdır. Bu müddətdə tərəvəz istehsalı 2 dəfədən çox, heyvandarlıq məhsulları istehsalı və mal-qaranın baş sayı 20 faizdən çox artmışdır.
Ötən ildən rayonda 20 min hektar torpaq sahəsini əhatə edəcək suvarma şəbəkəsinin yenidən qurulmasını nəzərdə tutan 11 milyon manatlıq layihənin icrasına başlanmışdır.
Bölmənin digər xəbərləri
