Diabetli uşaq və gənclər üçün xüsusi yay düşərgəsi təşkil edilmişdir
Bakı, 9 iyul (AZƏRTAC). İyulun 9-da etibarən Lənkərandakı “Palıdlı Sahil” istirahət mərkəzində 30 nəfər diabetli uşaq və gənc üçün xüsusi yay düşərgəsi başlamışdır.
Səhiyyə Nazirliyinin mətbuat xidmətindən AZƏRTAC-a bildirmişlər ki, düşərgənin iştirakçıları iyulun 19-dək Respublika Endokrinoloji Mərkəzinin tibbi heyətinin nəzarəti altında istirahət edəcəklər. Bununla yanaşı, mərkəzin əməkdaşları onlar üçün təlimlər keçəcəklər. Eyni zamanda, düşərgədə uşaqları maraqlı günlər, müsabiqələr və idman oyunları gözləyir.
Səhiyyə Nazirliyi şəkərli diabetdən əziyyət çəkən uşaq və gənclərin yay istirahətlərini mənalı keçirmələri məqsədilə hər il onlar üçün düşərgələr təşkil edir.
Bölmənin digər xəbərləri
