DİN Kürdəmirdə altı nəfərin ölümü ilə nəticələnən yol-nəqliyyat hadisəsi barədə məlumat yayıb
Bakı, 5 may, AZƏRTAC
Daxili İşlər Nazirliyi (DİN) Kürdəmir rayonunun Sorsor kəndi ərazisində altı nəfərin ölümü ilə nəticələnən yol-nəqliyyat hadisəsi barədə məlumat yayıb.
DİN-in mətbuat xidmətindən AZƏRTAC-a daxil olan məlumatda bildirilib ki, mayın 4-də saat 11 radələrində Kürdəmir rayonunun Sorsor kəndi ərazisində Muradxan kənd sakini C.Piriyevin idarə etdiyi “Nissan” və İmişli rayon sakini A.Kərimovun idarə etdiyi “Mercedes” markalı avtomobillər toqquşub. Nəticədə A.Kərimovun sərnişinləri - bacıları Mehbarə, Aygün, oğlu Qorxmaz və qohumu Aylin hadisə yerində ölüb. A.Kərimov, digər sərnişinləri R.Kərimova və Arzu Hətəmova, habelə digər sürücü və sərnişinləri - arvadı Ş.Piriyeva, oğlanları Kənan və Sabir xəstəxanaya yerləşdiriliblər. A.Hətəmova və Sabir orada ölüblər.
Hadisə ilə bağlı Kürdəmir Rayon Polis Şöbəsi tərəfindən araşdırma aparılır.
Bölmənin digər xəbərləri
