Dörd ayda əhaliyə 8,3 faiz çox istehlak malları satılmışdır
Bakı, 11 may (AZƏRTAC). Cari ilin dörd ayında ticarət şəbəkəsindən əhaliyə 4,9 milyard manat məbləğində və ya 2010-cu ilin eyni dövrü ilə müqayisədə 8,3 faiz çox istehlak malları satılmışdır.
Dövlət Statistika Komitəsindən AZƏRTAC-a bildirmişlər ki, istehlak mallarının 4,8 milyard manatı pərakəndə ticarət, 146,2 milyon manatı iaşə şəbəkələrində realizə olunmuşdur. Əhalinin ticarət şəbəkələrində xərclədikləri vəsaitin 3,1 milyard manatı ərzaq məhsullarının, 1,8 milyard manatı isə qeyri-ərzaq mallarının alınmasına sərf olunmuşdur.
Dörd ayda xidmət şəbəkələri vasitəsilə əhaliyə 1,5 milyard manatlıq və ya əvvəlki ilin eyni dövrü ilə müqayisədə 9,4 faiz çox pullu xidmətlər göstərilmişdir.
Bölmənin digər xəbərləri
