Dövlət büdcəsinin gəlirlərinin 21,44 faizi ƏDV hesabına təmin edilib
Bakı, 22 dekabr, AZƏRTAC
2021-ci ilin yanvar-oktyabr aylarında dövlət büdcəsinin gəlirləri dövlət borcu və zəmanəti üzrə öhdəliklərin Təminat Fondunun daxilolmaları da nəzərə alınmaqla 2 milyard 312,3 milyon manat, xərcləri isə 2 milyard 184,7 milyon manat təşkil edib.
Dövlət Statistika Komitəsindən AZƏRTAC-a bildirilib ki, daxilolmaların 21,44 faizi əlavə dəyər vergisi, 13,67 faizi hüquqi şəxslərin mənfəət (gəlir) vergisi, 5,40 faizi xarici iqtisadi fəaliyyətlə bağlı vergilər, 4,76 faizi fiziki şəxslərin gəlir vergisi, 4,36 faizi aksizlər, 1,29 faizi sadələşdirilmiş vergi, 1,98 faizi vergilərin digər növləri, 47,1 faizi isə vergi olmayan gəlirlər hesabına təmin edilib.
Bölmənin digər xəbərləri
