Dövlət büdcəsinin kənd təsərrüfatı xərcləri bölməsindən vəsaitin yönəldilməsi ilə 5 proqramın icrasına başlanılıb
Bakı, 14 avqust, AZƏRTAC
Cari ilin dövlət büdcəsində kənd təsərrüfatı xərcləri üzrə təsdiq olunmuş 943 milyon manat məbləğində büdcədən ayrılan və büdcədənkənar vəsaitin 943 milyon manatı büdcə təşkilatlarının sifarişləri əsasında 5 proqramın (13 hədəf üzrə 30 tədbirin) icrasına yönəldilib.
AZƏRTAC Maliyyə Nazirliyinə istinadla xəbər verir ki, bu ilin yanvar-iyun aylarında dövlət büdcəsinin kənd təsərrüfatı xərcləri bölməsindən 411,5 milyon manat vəsaitin yönəldilməsi ilə 5 proqramın (11 hədəf üzrə 25 tədbirin) icrasına başlanılıb ki, bu da proqnozlaşdırılmış vəsaitin 43,6 faizini təşkil edir. Cari ilin yanvar-iyun aylarında kənd təsərrüfatı xərcləri bölməsində nəzərdə tutulmuş proqramların icrası üçün xərclənən vəsaitin əsas hissəsi (84,4 faiz və ya 347,3 milyon manat) “Bitkiçilik sahəsinin inkişafı” proqramı, ən az hissə isə (0,01 faiz və ya 0,03 milyon manat) “Kənd təsərrüfatı ilə əlaqədar istehsal müəssisələrinin, xidmət və ticarət sahələrinin inkişafı” proqramı təşkil edir.
Bölmənin digər xəbərləri
