Dövlət İqtisad Universitetində əlilliyi olan tələbələr üçün əmək yarmarkası
Bakı, 30 mart, AZƏRTAC
Mayın 5-də Təhsil Nazirliyi, Gənclər və İdman Nazirliyi, Əmək və Əhalinin Sosial Müdafiəsi Nazirliyi və Azərbaycan Dövlət İqtisad Universitetinin (UNEC) birgə təşkilatçılığı ilə əlilliyi olan tələbələr üçün əmək yarmarkası keçiriləcək.
UNEC-dən AZƏRTAC-a bildirilib ki, dövlət qurumları, yerli və xarici şirkətlərin təmsil olunacağı yarmarkanın keçirilməsinin məqsədi Prezidenti İlham Əliyevin apardığı sosial-iqtisadi siyasətin əsas prioritet istiqamətlərindən biri sayılan gənclərin məşğulluğunun təmin edilməsidir. Dövlətimizin başçısının sosial sahənin inkişafına dair həyata keçirdiyi siyasətin əsas istiqamətlərindən biri də əlilliyi olan gənclərin bütün istiqamətlərdə xidmətlərə əlyetərliliyi təmin edən və onlardan bərabərhüquqlu istifadəyə imkan verən inklüziv mühitin yaradılmasına yönəlib. Ölkəmizdə inklüziv təhsil sisteminin beynəlxalq normalara uyğun qurularaq inkişaf etdirilməsi üçün konkret proqramlar icra olunur.
Əmək yarmarkasında UNEC-lə yanaşı, digər ali təhsil ocaqlarının da əlilliyi olan tələbə, magistr və məzunları [email protected] elektron ünvanına CV göndərməklə iştirak edə bilərlər.
Bölmənin digər xəbərləri
