DREN ŞƏBƏKƏSİ YENİDƏN QURULUR
AZƏRTAC xəbər verir ki, Dünya Bankının maliyyə vəsaiti ilə Sabirabad rayonundakı Qaragüney kəndinin dren şəbəkəsi yenidən qurulur.
Az müddətdə 100 min manatlıqdan artıq meliorasiya tədbiri həyata keçirilmişdir. İlin sonunadək daha 700 min manat sərf olunmaqla 40 min metr uzunluqda kollektor qazılması, açıq drenlərin bərpası və 20-ə yaxın hidrotexniki qurğunun əsaslı təmiri nəzərdə tutulmuşdur.
Layihənin icrası 2 min hektar torpaq sahəsini şoranlaşmaqdan qoruyacaqdır.
Qeyd edək ki, Dünya Bankı ötən il rayonun Qaratəpə kəndində smeta dəyəri 820 min manat olan analoji layihə reallaşdırmışdır.
Bölmənin digər xəbərləri
