DÜNYA QİÇS-LƏ MÜBARİZƏ GÜNÜNƏ HƏSR OLUNMUŞ TƏDBİRLƏR KEÇİRİLƏCƏKDİR

27.11.2006 [21:07]
Çap et
A⁺ A^-

Azərbaycan Qızıl Aypara Cəmiyyətindən AZƏRTAC-a bildirmişlər ki, 1 Dekabr - Dünya QİÇS-lə Mübarizə gününə həsr olunmuş bir sıra tədbirlər keçiriləcəkdir.

Noyabrın 30-da Azərbaycan Qızıl Aypara Cəmiyyətinin könüllüləri dəmir yolu vağzalında, avtovağzalda, metronun “Sahil”, “Bakı soveti”, “Gənclik” və “Nəriman Nərimanov” stansiyalarında əyani vasitələr və QİÇS-in emblemi olan qırmızı lentlər paylayacaqlar. Bundan əlavə, yürüş keçiriləcək, müxtəlif mövzularda təlimlər aparılacaq, gənclərin daha çox toplaşdığı yerlərdə QİÇS-ə aid videofilmlər nümayiş etdiriləcəkdir.

Dekabrın 1-də isə Milli Parkda “Şam mərasimi” təşkil olunacaqdır.