DÜNYADA 121 MİLYON UŞAĞIN TƏHSİL ALMAQ İMKANI YOXDUR

12.12.2003 [13:59]
Çap et
A⁺ A^-

Hazırda dünyada 121 milyon uşağın məktəbə getməyə imkanı yoxdur. Onların 65 milyonu qızdır. AZƏRTAC-ın müxbiri Parisdən xəbər verir ki, bu rəqəmlər BMT-nin Uşaq Fondunun (YUNİSEF) ekspertləri tərəfindən hazırlanmış “2004-cü ildə dünyada uşaqların vəziyyəti” adlı məruzədə öz əksini tapmışdır.

Məruzədə deyilir ki, inkişaf etmiş ölkələrdə oğlanların 96 faizi və qızların 97 faizi təhsil ala bildiyi halda, Afrikada gənclərin yalnız 57 faizi oxumaq imkanına malikdir. Ərəb dünyasında 70 milyon adam savadsızdır.

BMT-nin baş katibi Kofi Annan məruzənin müqəddiməsində yazır: “Qızların məktəblərdə təhsil alması inkişaf etməkdə olan gənc ölkələr üçün mühüm tərəqqi amilidir. Bu, iqtisadiyyatın fəallaşmasına, uşaqlar və analar arasında ölüm faizinin aşağı düşməsınə kömək edir, əhalinin sağlamlıq səviyyəsini xeyli yüksəltməyə imkan verir. Belə təhsil immun çatışmazlığı virusunun yayılması ilə mübarizədə də kömək edir.

DÜNYADA 121 MİLYON UŞAĞIN TƏHSİL ALMAQ İMKANI YOXDUR

MÜƏLLİFLƏ ƏLAQƏ

Bölmənin digər xəbərləri