DÜNYADA İNTERNETDƏN İSTİFADƏ EDƏNLƏRİN SAYI İLK DƏFƏ 1 MİLYARD NƏFƏRİ ÖTMÜŞDÜR
Məruzəyə əsasən, bu ilin əvvəlinədək qlobal şəbəkədən istifadə etmək 1 milyard 20 milyon 610 min nəfərə müyəssər olmuşdur. Ötən illə müqayisədə bu göstərici 19,5 faiz artmışdır. İnternet istifadəçilərinin sayına görə ölkələrin ilk “üçlüyünə” ABŞ (200 milyona yaxın), Çin (111 milyon) və Yaponiya (85,29 milyon nəfər) daxildirlər.
Rusiyada “dünya şəbəkəsindən” istifadəçilərin sayı il ərzində 17,8 faiz artaraq, 2005-ci ilin sonunadək 21,8 milyon nəfər olmuşdur. Bu göstərici üzrə Rusiya dünyada 11-ci yerdə, Şərqi Avropa və MDB ölkələri arasında birinçi yerdədir. Onun ardınca Ukrayna (4,5 milyon) və Belarus (3,39 milyon) gəlirlər.
BMT Konfransı mobil telefon istifadicələrinin statistikasını da açıqlamışdır. Bu statistikaya görə, 2,17 milyard nəfər, yəni Yer kürəsinin hər üç sakinindən biri mobil telefondan istifadə edir. Dünyada mobil telefon sahiblərinin sayı bir il ərzində 23,5 faiz artmışdır.
Bölmənin digər xəbərləri
