Dünyanın ən zəngin ölkələri müəyyənləşdirilmişdir
Bakı, 25 avqust (AZƏRTAC). ABŞ-ın məşhur “Forbes” jurnalı dünyanın 15 ən zəngin ölkəsinin siyahısını tərtib etmişdir.
AZƏRTAC xarici ölkə KİV-lərinə istinadən xəbər verir ki, siyahı hazırlanarkən meyar olaraq, ölkədə adambaşına gəlir əsas götürülmüşdür.
Dünyanın ən zəngin ölkələrindən olan Qətər ilk beşliyə liderlik edir (88,222 dollar). Sonrakı yerləri müvafiq olaraq, Lüksemburq (81,466 dollar), Sinqapur (56,694 dollar), Norveç (51,959 dollar) və Bruney (48,333 dollar) tutmuşdur.
Birləşmiş Ərəb Əmirlikləri adambaşına 47,439 dollarla altıncı, ABŞ isə yeddinci yerdə (46,860 dollar) qərarlaşmışlar.
Siyahıda Hong Kong (45,944 dollar), İsveçrə (41,950 dollar), Niderland (40,973 dollar), Avstraliya (39,764 dollar), İrlandiya (39,492 dollar), Kanada (39,171 dollar) kimi ölkələr də yer almışdır.
Maraqlıdır ki, dünyanın ən zəngin ölkələrindən hesab edilən Küveyt həmin siyahıda sonuncu - 15-ci (38,775 dollar) olmuşdur.
Bölmənin digər xəbərləri
