DÜŞƏNBƏDƏ İÇMƏLİ SU ÜZRƏ BEYNƏLXALQ FORUM BAŞA ÇATMIŞDIR
Dünyanın 53 ölkəsindən və yüzə qədər beynəlxalq təşkilatdan 600-ə yaxın nümayəndənin iştirak etdiyi forumda ölkəmizi Meliorasiya və Su Təsərrüfatı Komitəsinin nümayəndə heyəti təmsil etmişdir.
BMT-nin baş katibi Kofi Annan və ATƏT-in baş katibi Yan Kubişin forum iştirakçılarına məktubu oxunmuşdur.
Forumda Mərkəzi Asiya üçün aktual olan su ehtiyatlarından istifadənin regional perspektivləri müzakirə olunmuş, su və dövlətlərarası əməkdaşlıq problemlərinə toxunulmuşdur.
Mərkəzi Asiyada olan su ehtiyatlarının 50 faizindən çoxu Tacikistanda yerləşsə də, əhalinin içməli su ilə təchiz olunmasında çətinlik vardır.
Tədbirin bağlanış mərasimində Tacikistan prezidenti İmoməli Rəhmanov demişdir ki, su mövzusu beynəlxalq ictimaiyyətin yeni strateji məqsədinə çevrilmişdir. Problemi həll etməklə biz insanlara xidmət etmiş olarıq.
Bölmənin digər xəbərləri
