DÜŞƏNBƏDƏ MDB DAXİLİ İŞLƏR NAZİRLƏRİ ŞURASININ ONUNCU İCLASI KEÇİRİLMİŞDİR

25.04.2006 [15:32]
Çap et
A⁺ A^-

AZƏRTAC-ın xüsusi müxbiri xəbər verir ki, Düşənbə şəhərində MDB Daxili İşlər Nazirləri Şurasının onuncu yubiley iclası başa çatmışdır. İclasda Azərbaycanın daxili işlər naziri Ramil Usubov da iştirak etmişdir.

Tədbirin əvvəlində Tacikistan və Rusiya prezidentlərinin iştirakçılara təbrikləri oxunmuşdur.

Rusiya Prezidentinin məktubunda deyilir ki, qanunçuluq və hüquq qaydalarının möhkəmlənməsi, transsərhəd cinayətkarlığı, narkotrafik, beynəlxalq terrorizm və ekstremizmlə mübarizə sahələrində Şuranın potensialından daha geniş istifadə etmək zəruridir.

Yığıncaq iştirakçıları MDB daxili işlər nazirlərinin əməkdaşlıq perspektivləri, terrorizm, ekstremizm, narkotiklərin və silahların qanunsuz dövriyyəsi, transmilli cinayətkarlıqla birgə mübarizə məsələlərini müzakirə etmişlər. Bundan əlavə Şura 2007-2010-cu illərdə MDB məkanında insan alveri ilə mübarizə sahəsində əməkdaşlıq Proqramını təsdiq etmişdir.

Yubiley iclasında Şuraya sədrlik Ermənistandan Tacikistana keçmişdir.