Əhməd Cavadın 130 illiyinə həsr olunan tədbir təşkil edilib
Bakı, 29 noyabr, AZƏRTAC
Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin 3 nömrəli filialı Azərbaycan Milli Konservatoriyası nəzdində Musiqi Kolleci ilə birlikdə Əhməd Cavada həsr olunan tədbir keçirib.
Baş İdarədən AZƏRTAC-a bildirilib ki, əvvəlcə şairin şah əsəri olan Azərbaycan Respublikasının Dövlət Himni səsləndirilib.
Tədbirdə qeyd olunub ki, Prezident İlham Əliyev Əhməd Cavadın 130 illiyinin qeyd edilməsi haqqında Sərəncam imzalayıb. Vurğulanıb ki, Əhməd Cavad Azərbaycan ədəbi-bədii fikir tarixində istiqlal şairi kimi özünəməxsus dəst-xəti ilə seçilən, müstəsna mövqeyə malik söz ustalarındandır.
Daha sonra Əhməd Cavadın həyat və yaradıcılığından bəhs edilib.
Bədii hissədə şagirdlər Əhməd Cavadın şeirlərini söyləyiblər.
Bölmənin digər xəbərləri
