EKOLOJİ QANUNVERİCİLİYİN TƏKMİLLƏŞDİRİLMƏSİNƏ DAİR SEMİNAR KEÇİRİLMİŞDİR
Nazirliyin mətbuat xidmətindən AZƏRTAC-ın müxbirinə bildirmişlər ki, seminar ekoloji qanunvericiliyin təkmilləşdirilməsi məsələlərinə həsr olunmuşdur. Ölkəmizdə tullantıların idarə edilməsi 1998-ci ildə qəbul olunmuş “istehsalat və məişət tullantıları haqqında” Qanunla tənzimlənir. Bu müddət ərzində Azərbaycan ətraf mühitin mühafizəsi sahəsində müxtəlif beynəlxalq sənədlərə, o cümlədən BMT-nin “təhlükəli tullantıların transsərhəd daşınmasına və onların götürülməsinə nəzarət haqqında” Bazel Konvensiyasına qoşulmuşdur. Hazırkı seminarın keçirilməsi milli qanunvericiliyi beynəlxalq hüquqi sənədlərə uyğunlaşdırmaq zərurətindən irəli gəlmişdir.
Seminar iştirakçıları Azərbaycan Respublikası Qanununa təhlükəli tullantıların idarə edilməsinə, bərk məişət və tibb tullantılarının basdırılmasına aid bir sıra dəyişikliklər olunmasını təklif etmişlər.
Bölmənin digər xəbərləri
