“ƏL-CƏZİRƏ” İNGİLİS DİLİNDƏ VERİLİŞLƏRƏ BAŞLAYIR
“Əl-Cəzirə”nin Londonda yerləşən ingilisdilli iqamətgahı Dohə, Vaşinqton və Kuala-Lumpur büroları ilə yanaşı, kanalın dörd dayaq bürosundan biri olacaqdır.
Kanalın ingilisdilli tamaşaçıları öz ekranlarında hələ bu yaxınlaradək Bi-Bi-Si-nin ümumdünya xidmətinə daxil olmuş bir çox populyar teleaparıcıları görəcəklər. Onlardan biri də Bi-Bi-Si-nin keçmiş “ulduzu” Devid Frostdur. O, yeganə jurnalistdir ki, ABŞ-ın son yeddi prezidentindən və Böyük Britaniyanın son yeddi baş nazirindən müsahibə almışdır.
İngilis dilində yayım Britaniya hökumətinin başçısı Toni Bleyerin “Əl-Cəzirə”yə məxsusi müsahibəsi ilə başlanır.
“Əl-Cəzirə” telekanalı 1996-cı ildə Qətər əmirinin verdiyi 150 milyon dollarlıq qrant sayəsində yaradılmışdır. O, Əfqanıstan, İraq, Fələstin, digər Yaxın və Orta Şərq ölkələrində baş verən hadisələri qərəzsiz işıqlandırdığına görə böyük şöhrət qazanmışdır.
Bölmənin digər xəbərləri
