ƏLCƏZAİR 2005-Cİ İLDƏ NEFT SATIŞINDAN REKORD MƏBLƏĞDƏ GƏLİR GÖTÜRMÜŞDÜR
Beləliklə, SONATRAK-ın təmiz gəliri 39 milyard dollar təşkil etmişdir ki, bu da 2004-cü ildəkindən 25 faiz çoxdur. Ekspertlərin fikrincə, gəlirin artması, əsasən, neftin qiymətinin yüksəlməsi ilə bağlı olmuşdur. Ötən il Əlcəzair neftinin bir barreli orta hesabla 51,8 dollara satılmışdır. Bu isə 2003-2004-cü illərin göstəricisindən müvafiq olaraq 28,9 və 37,8 faiz çoxdur.
2006-2010-cu illərdə SONATRAK neft-qaz sahəsinin inkişafına 32,2 milyard dollar xərcləmək niyyətindədir. Cari ildə bu məqsədlə 8,6 milyard dollar ayrılmışdır.
Əlcəzair bu il gündəlik neft hasilatını 1,5 milyon barrelə çatdırmağı planlaşdırır. Ölkədə son iki ildə kəşf edilmiş yeni neft yataqlarının istismarı 2010-cu ilədək gündəlik neft hasilatını 2 milyon barrelə çatdırmağa imkan verəcəkdir.
Bölmənin digər xəbərləri
