“ELEKTRON İMZA VƏ ELEKTRON SƏNƏD HAQQINDA” QANUN LAYİHƏSİ MİLLİ MƏCLİSİN MÜZAKİRƏSİNƏ TƏQDİM OLUNMUŞDUR
Komissiyanın sədri Şahlar Əsgərov demişdir ki, layihənin parlamentdə keçirilmiş geniş müzakirəsi zamanı bir sıra irad və təkliflər səslənmişdir. İşçi qrupu bunları diqqətlə öyrənmiş, məqbul sayılanları nəzərə almışdır.
Qanun 7 fəsil və 37 maddədən ibarətdir. Layihədə deyilir ki, bu qanun elektron imzanın istifadəsi, onun elektron sənəd dövriyyəsində tətbiqinin təşkilati, hüquqi əsaslarını və əlaqədar subyektlərin hüquqlarını müəyyən edir, onların aralarında yaranan münasibətləri tənzimləyir.
Komissiya üzvləri, əlaqədar təşkilatların nümayəndələri qanunun vacibliyini, onun Azərbaycanın beynəlxalq təşkilatlarla münasibətlərinin və əlaqələrinin inkişafında xüsusi əhəmiyyət kəsb etdiyini vurğulamışlar.
Milli Məclis sədrinin birinci müavini Arif Rəhimzadə layihə ilə bağlı tövsiyələrini vermişdir.
Müzakirələrin sonunda qanun layihəsinin Milli Məclisin müzakirəsinə çıxarılması qərara alınmışdır.
Bölmənin digər xəbərləri
