Elektron təhsilin formalaşması və intellektuallaşdırılması problemləri tədqiq olunur
Bakı, 27 dekabr, AZƏRTAC
Elm və Təhsil Nazirliyinin İnformasiya Texnologiyaları İnstitutunda müasir informasiya texnologiyalarının elmi-nəzəri əsaslarının tədqiqi və inkişaf etdirilməsi istiqaməti üzrə elektron təhsilin formalaşması və intellektuallaşdırılması problemləri tədqiq olunur.
AZƏRTAC xəbər verir ki, bu barədə institutun Elmi şurasının iclasında texnika üzrə fəlsəfə doktoru, dosent Firudin Ağayev məlumat verib.
F.Ağayev bildirib ki, “Təhsil 4.0 platformasında elektron təhsil mühitinin idarə edilməsi və onun metodoloji əsaslarının işlənilməsi” mövzusunda araşdırmalar aparılır. E-təhsil üzrə tələbələrin qiymətləndirilməsində “Data Mining” metodlarının tətbiqi ilə bağlı tədqiqatlar aparılıb. Bu istiqamətdə bulud texnologiyası əsasında elektron təhsil sisteminin formalaşmasını müəyyən edən göstəricilər analiz olunub, texnoloji prinsiplərin işlənməsi məsələləri tədqiq edilib.
Bölmənin digər xəbərləri
