Elm və təhsil naziri Tovuzda vətəndaşlarla görüşəcək
Bakı, 2 oktyabr, AZƏRTAC
Elm və təhsil naziri Emin Əmrullayev oktyabrın 18-də Tovuz şəhərində vətəndaşlarla görüşəcək.
Nazirlikdən AZƏRTAC-a bildirilib ki, qəbulda Ağstafa, Qazax, Şəmkir, Gədəbəy və Tovuz sakinləri iştirak edə bilərlər.
Adları çəkilən şəhər və rayonların sakinləri oktyabrın 11-i saat 18:00-dək Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytının edu.gov.az/az/contact_us bölməsinə elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.
Bölmənin digər xəbərləri
