ELMİ KADRLARIN YENİ NADİR AVTOMATLAŞDIRILMIŞ SİSTEMİ YARADILMIŞDIR
İnstitutun mətbuat xidmətindən AZƏRTAC-a bildirmişlər ki, sistemin cəlbediciliyi ölkənin 27 şəhərində yaşayan və 457 təşkilatda işləyən 10 min 533 mütəxəssis haqqında informasiyadan ibarət məlumat bazasındadır.
Bazanın statistikasına əsasən, ölkənin 432 təşkilatında 8714 elmlər namizədi, o cümlədən 5725 kişi, 2989 qadın işləyir. Onların orta yaş həddi 56 ildir. Sistemə müdafiə mövzusu, elmi nailiyyətlər, elmi əsərlərin siyahısı, iş yeri, dil mütəxəssisləri haqqında məlumat da daxildir. Məsələn, məlumata görə ispan dilini 9, çex dilini isə 6 adam bilir. Dövlət qurumlarında 3592, ali təhsil müəssisələrində 5 min, sahibkarlıq sahəsində 218 adam məşğuldur.
Sistem elmi kadrlar şəbəkəsinin güclü və zəif tərəflərini aşkara çıxarmağa imkan verir. Məlum olmuşdur ki, alimlərimiz namizədlik işlərini kifayət qədər gec müdafiə edirlər. Alimlər arasında 1979-cu il təvəllüdlü cəmi 5 elmlər namizədi var ki, bu da elmə axının əsasən 30 yaşından sonra başlandığını göstərir. Elmlər doktorları arasında da eyni mənzərə müşahidə olunur. Hazırda ölkədə 1712 elmlər doktoru var ki, onların da orta yaş həddi 62 ildir.
Bölmənin digər xəbərləri
