Əlyazmalar İnstitutu əməkdaşlarının onlayn iclası keçirilib
Bakı, 5 may, AZƏRTAC
AMEA-nın Məhəmməd Füzuli adına Əlyazmalar İnstitutunun Ərəbdilli əlyazmaların tədqiqi şöbəsinin distant iclası keçirilib.
İnstitutdan AZƏRTAC-a bildirilib ki, iclasda şöbə əməkdaşlarının dörd ay ərzində fəaliyyəti müzakirə olunub. Şöbə müdiri, filologiya elmləri doktoru, professor Kamandar Şərifov bildirib ki, bu müddət ərzində “Əsərləri”nin 5-ci cildini nəşrə təqdim edib, 6-cı cildini hazırlayır. Bundan əlavə, Əbdülqəni Nuxəvi Xalisəqarızadənin ulu nənəsi Xalisə qarının Əlyazmalar İnstitutunun Fondunda saxlanılan əlyazmaları haqqında məqalə hazırlayıb.
K.Şərifov şöbədə islamşünaslıqla bağlı tədqiqatlar da aparıldığını diqqətə çatdırıb.
Məlumat verilib ki, şöbədə Əhməd bin-Həsən Çarpərdinin “Şərh əş-Şafiyə fit-Təsrif“ əsərinin qədim nüsxələrinin tekstoloji tədqiqi sona çatdırılıb. “XVII-XIX əsrlərə aid ərəbdilli dini-fəlsəfi əlyazma mətnlərinin paleoqrafik xüsusiyyətləri və müqayisəli tədqiq” doktorluq dissertasiyasının mövzusu koordinasiya şurasının son iclasında təsdiq olunub.
Şöbənin elmi işçiləri xarici ölkələrdə keçirilən onlayn konfranslarda iştirak ediblər və məruzələri əsasında məqalələr çap etdiriblər.
Bölmənin digər xəbərləri
