Əlyazmalar İnstitutunun əməkdaşı İraqda keçirilmiş beynəlxalq elmi konfransın sertifikatına layiq görülüb
Bakı, 3 noyabr, AZƏRTAC
AMEA Məhəmməd Füzuli adına Əlyazmalar İnstitutunun Əlyazmaların və əski çap kitablarının tərcüməsi şöbəsinin baş elmi işçisi fəlsəfə üzrə elmlər doktoru Zəkiyyə Əbilova İraqda keçirilmiş “Heydər Əliyev və müasir ərəb İslam Şərqi” adlı onlayn beynəlxalq elmi konfransda iştirak edib.
Bu barədə AZƏRTAC-a institutdan bildirilib. Konfransa onlayn qoşulan alim “Dosent Əsmətxanım Məmmədovanın akademik fəaliyyətinə qısa bir baxış” mövzusunda məruzə ilə çıxış edib. O, fəal iştirakına və elmi əməkdaşlığa görə konfransın “Təşəkkür sertifikatı” ilə təltif olunub.
Qeyd edək ki, Ulu Öndərin 100 illik yubileyinə həsr olunmuş beynəlxalq konfrans İraq-Azərbaycan Dostluq və Əməkdaşlıq Assosiasiyası və Respublika Strateji Araşdırmalar Mərkəzinin birgə təşkilatçılığı ilə keçirilib.
Bölmənin digər xəbərləri
