Əməkdar Elm Xadimi haqqında yeni kitab
Bakı, 5 iyun, AZƏRTAC
Bu günlərdə “Görkəmli elm adamları” silsiləsindən “Məhərrəm Qasımlı. Ömür yolu və biblioqrafiya” adlı kitab çap olunaraq oxucuların ixtiyarına verilib.
Azərbaycan Aşıqlar Birliyindən (AAB) AZƏRTAC-a bildirilib ki, Dövlət Mükafatı laureatı, Əməkdar Elm Xadimi, professor, AAB-nin sədri Məhərrəm Qasımlının anadan olmasının 60 illik yubileyi ilə bağlı hazırlanan bu avtobioqrafik əsər görkəmli ziyalı, alim və şairin uzun illər boyu elmi və ədəbi-bədii fəaliyyətinin mühüm bir qismini əhatə edir.
Kitabda Məhərrəm Qasımlının - Orxan Paşanın ana dilimizlə yanaşı müxtəlif ölkə və dillərdə nəşr olunan əsərləri haqqında məlumatlar da yer alıb. Kitab bütövlükdə 13 bölmədən ibarətdir.
Bölmənin digər xəbərləri
