Ərəbdilli əlyazmalar kataloqunun IV cildi çapdan çıxıb
Bakı, 6 may, AZƏRTAC
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda mühafizə olunan ərəbdilli yazılı abidələrin kataloqunun IV cildi rus dilində çapdan çıxıb.
İnstitutdan AZƏRTAC-a bildiriblər ki, kataloqa XIV-XX əsrlərdə şərq ölkələrində köçürülmüş 590 əlyazmanın təsviri daxildir. Əlyazmalar elmin müxtəlif sahələrini - qrammatika, ədəbiyyatşünaslıq, fiqh, tarix, poetika, fəlsəfə və astronomiyanı əhatə edir.
Nəşrin tərtibçisi filologiya üzrə elmlər doktoru, professor Kamandar Şərifov, elmi redaktoru akademik Teymur Kərimlidir.
Bölmənin digər xəbərləri
