ERMƏNİLƏR ATƏŞKƏSİ POZMAQDA DAVAM EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan silahlı qüvvələrinin bölmələri aprelin 24-də saat 23.00-dan 23.15-dək Qazax rayonunun işğal olunmuş Aşağı Əskipara və Bağanis Ayrım kəndləri yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini, aprelin 25-də saat 02.50-də Ermənistanın Noyamberyan rayonunun Voskevan kəndinin 1,8 kilometr cənub-şərqində yerləşən mövqelərindən Azərbaycan Silahlı Qüvvələrinin Qazax rayonunun Quşçu Ayrım kəndi yaxınlığındakı mövqelərini, saat 05.15-də Qazax rayonunun Cəfərli kəndi yaxınlığında yerləşən mövqelərindən milli ordumuzun üzbəüz mövqelərini avtomat və pulemyotlardan atəşə tutmuşlar.
Düşmən bütün hallarda cavab atəşi ilə susdurulmuşdur. İtki yoxdur.
Bölmənin digər xəbərləri
