ƏSİR VƏ İTKİN DÜŞMÜŞ, GİROV GÖTÜRÜLMÜŞ SOYDAŞLARIMIZIN AİLƏ ÜZVLƏRİ İLƏ GÖRÜŞ KEÇİRİLMİŞDİR
Tədbiri birliyin sədri Esmira Orucova açaraq əsir, itkin və girovların axtarışı ilə bağlı aparılan araşdırmalar, son vaxtlar bu sahədə müvafiq Dövlət Komissiyası və İşçi qrupu ilə birgə görülən işlər barədə məlumat vermişdir.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi Şahin Sailov əsirlikdə olanların axtarışı istiqamətində aparılan işlərlə soydaşlarımızın ailə üzvlərini tanış etmiş, görüş iştirakçılarını maraqlandıran suallara cavab vermişdir.
Əsir Rafael Abbasovun atası Sultan Abbasov, İlham Cabbarovun anası Zemfira Cabbarova, Sabir Atakişiyevin bacısı Səkinə Atakişiyeva, İnqilab Hümbətovun qardaşı Hacı Hümbətov, itkin Firudin Cəfərovun qohumu Kamran Babayev, 6 nəfər ailə üzvü girov götürülmüş Adilə Qənbərova və başqaları yaxınlarının axtarışı və xilas edilib vətənə qaytarılması sahəsində fəaliyyətlərinə görə Dövlət Komissiyasina, onun İşçi qrupuna və “Həyat yolu” Əsir və Girovlara Kömək İctimai Birliyinə minnətdarlıq etmişlər.
