ƏTRAF MÜHİT VƏ İNSAN SAĞLAMLIĞI QORUNUR
Şirkətlər Qrupunun mətbuat xidmətindən AZƏRTAC-a verilən məlumata görə, zavodda təkrar istifadə üçün yararlı olan şüşə qablar, polietilen, tənəkə qutu və bu kimi başqa materiallar, müvafiq gigiyena şərtlərinə əməl edilməklə, tələb olunan yerlərə satılır. Pomidorun emalından qalan qatı maddələrdən isə heyvandarlıqda yem kimi istifadə olunur. Ətraf mühitə ziyan vurulmaması üçün, Xaçmaz bələdiyyəsi ilə əldə olunmuş razılaşmaya əsasən, digər tullantılar şəhər zibilliyinə aparılaraq, nəzarət altında zərərsizləşdirilir. İstehsal prosesindən sonra çirkli su xüsusi süzgəcdən keçirilir, qabıq, toxum və s. maddələrdən təmizlənir. Bununla yanaşı, müəssisənin çirkli sularının Quba-Xaçmaz kanalizasiya xəttinə axıdılması üçün ötürücü nasos stansiyası tikilir. Zavodun istehsal həcminin artması nəzərə alınaraq, gələcək planda təmizləmə qurğularının quraşdırılması nəzərdə tutulmuşdur.
Bölmənin digər xəbərləri
