ETX vətəndaşlara yeni dələduzluq növü ilə bağlı xəbərdarlıq edib
Bakı, 7 noyabr, AZƏRTAC
Kiberdələduzlar tərəfindən ani mesajlaşma tətbiqləri vasitəsilə vətəndaşlara qarşı yeni növ dələduzluq həyata keçirilir.
AZƏRTAC Elektron Təhlükəsizlik Xidmətinin yaydığı məlumata istinadən xəbər verir ki, vətəndaşlara göndərilən mesajda yutub sosial şəbəkəsində müəyyən addımları həyata keçirərək qazanc əldə edilməsi vədi verilir.
“Elektron Təhlükəsizlik Xidməti vətəndaşlara tanımadıqları şəxslərdən bu cür təkliflər gəldikdə diqqətli olmağı, şübhəli keçidlər vasitəsilə fərdi və bank kartı məlumatlarını qarşı tərəfə ötürməməyi, hər hansı şirkət və ya qurum adından gələn iş təklifləri bağlı birbaşa şirkətin və ya qurumun özündən bu məlumatları dəqiqləşdirməyi tövsiyə edir”, - deyə məlumatda bildirilir.
Bölmənin digər xəbərləri
