“Facebook” “GSMA” Mobil Operatorlar Assosiasiyasına üzv olmuşdur
Bakı, 15 noyabr (AZƏRTAC). “Facebook” sosial şəbəkəsi hazırda dünyanın 218 ölkəsinin 750 mobil rabitə operatorunu özündə birləşdirən “GSMA” Mobil Operatorlar Assosiasiyasına üzv olmuşdur.
Assosiasiya iştirakçıları 3 milyarddan çox abunəçiyə “GSMA” və “3G” standartlarında öz xidmətlərini təqdim edir ki, bu da dünya mobil internet istifadəçilərinin 86 faizini təşkil edir.
“GSMA”-nın başlıca məqsədi mobil rabitə xidmətindən dünyanın istənilən yerində istifadə imkanının təmin edilməsi, insanlara bu xidmətdən asanlıqla istifadə etməsinə şəraitin yaradılması, fərdi abunəçilər və ümumilikdə iqtisadiyyat üçün bu xidmətlərin dəyərinin artırılması, eləcə də rabitə operatorlarına və onların tədarükçülərinə yeni kommersiya imkanlarının təqdim edilməsidir.
“Facebook” “GSMA”-ya qoşulan ilk sosial şəbəkə olmuşdur. Şirkət nümayəndələri bildirmişlər ki, assosiasiyanın işində fəal iştirak üçün maksimum səy göstərəcəklər.
Öz növbəsində “GSMA”-ya qoşulma sosial şəbəkəyə “Internet.org” layihəsinin inkişafına xeyli irəliyə getməyə kömək edəcəkdir. Bu layihənin iştirakçıları müxtəlif resurslar, qabaqcıl təcrübə və rəngarəng alətlər mübadiləsi edərək mobil internetin inkişafının əsas sahələri üçün həllər axtarışındadırlar.
Bölmənin digər xəbərləri
