Fənlər üzrə işçi qruplarının iclası keçirilib

10.11.2021 [18:16]
Çap et
A⁺ A^-

Bakı, 10 noyabr, AZƏRTAC

Noyabrın 10-da Dövlət İmtahan Mərkəzində (DİM) fizika, rus dili (tədris dili və xarici dil kimi) fənləri üzrə işçi qruplarının iclası keçirilib.

DİM-dən AZƏRTAC-a bildirilib ki, iclasda fizika fənni üzrə hərbi liseylərə qəbul imtahanı, rus dili (tədris dili və xarici dil kimi) fənlərindən isə buraxılış imtahanları modelinə uyğun tapşırıq nümunələri müzakirə olunub.

İmtahan modellərində nəzəri biliklərin tətbiqinə yönəlmiş, məntiqi düşünməyə əsaslanan, səbəb-nəticə əlaqələri üzərində qurulan tapşırıqlara üstünlük verilir.

İclaslarda iştirakçılar tərəfindən müzakirə edilən məsələlər ilə bağlı fikir bildirilib və təkliflər verilib.

Müzakirələr noyabrın 17-də davam etdiriləcək.