Fərdi Reabilitasiya və Abilitasiya Proqramı İctimai şura üzvlərinə təqdim edilib
Bakı, 10 noyabr, AZƏRTAC
Əmək və Əhalinin Sosial Müdafiəsi Nazirliyi yanında İctimai şura üzvləri ilə növbəti görüş olub.
Əmək və əhalinin sosial müdafiəsi nazirinin müavini Anar Əliyev Prezident İlham Əliyevin tapşırıqlarına uyğun olaraq sosial sahədə geniş miqyaslı islahatların aparıldığını bildirib.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, həmin islahatların əlillik və reabilitasiya sahələrini də əhatə etdiyini deyən nazir müavini bu sahədə yeniliklərdən biri kimi, əlilliyi olan şəxslər üçün Fərdi Reabilitasiya və Abilitasiya Proqramının da hazırlandığını diqqətə çatdırıb.
Nazir müavini bildirib ki, əlilliyi olan şəxslərin sosial müdafiəsinin gücləndirilməsi tədbirləri ilə yanaşı, onların tibbi, peşə-əmək, psixoloji-pedaqoji reabilitasiyası, abilitasiyası sahəsində də işlər aparılıb. Hər bir əlilliyi olan şəxslə bağlı tərtib olunacaq Fərdi Reabilitasiya və Abilitasiya Proqramı bütün bu tədbirləri sistemli şəkildə özündə əhatə edir.
Qeyd edilib ki, Fərdi Reabilitasiya Proqramının hazırlanması, təsdiq edilməsi və həyata keçirilməsi Qaydası və əlilliyi olan şəxslərin abilitasiyası Qaydası ötən ilin dekabrında Nazirlər Kabinetinin Qərarları ilə təsdiq edilib. Həmin Proqram da bu qaydalara uyğun hazırlanıb. Proqram əsasında əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı, mövcud potensialını maksimum inkişaf etdirməklə, sərbəst yaşamaq imkanlarının artırılması ilə əlaqədar kompleks tədbirlər müəyyən olunacaq. Hazırda bu proqramın tətbiqi ilə əlaqədar eyni adlı altsistemin hazırlanması işləri də aparılır.
Nazirliyin Əlillik siyasəti şöbəsinin müdiri Sabir Qocayevin Fərdi Reabilitasiya və Abilitasiya Proqramına dair keçirdiyi təqdimatda İctimai şura üzvləri Fərdi Reabilitasiya və Abilitasiya Proqramı ilə bağlı öz fikirlərini bölüşüblər.
Görüşdə İctimai şura üzvlərinin qaldırdığı məsələlər barədə müzakirələr aparılıb.
Bölmənin digər xəbərləri
