FERMERLƏR DÖVLƏT DƏSTƏYİNİ YÜKSƏK QİYMƏTLƏNDİRİRLƏR
AZƏRTAC xəbər verir ki, Xocavənd rayonunda fermerlərin, xüsusi mülkiyyətçilərin və sahibkarların toplantısı keçirilmişdir.
Rayon icra hakimiyyəti başçısının müavini Rəfael Mustafayev tədbirin Azərbaycan Prezidentinin “Kənd təsərrüfatı məhsulları istehsalçılarının toxum, gübrə və damazlıq heyvanları ilə təmin edilməsinə əlavə dəstək verilməsi barədə” 2008-ci il 21 avqust tarixli Sərəncamından irəli gələn məsələlərə həsr olunduğunu bildirmiş, ölkəmizdə aqrar sektorun inkişafı sahəsində görülən işlərdən danışmışdır. Məlumat verilmişdir ki, cari ildə rayonda 9 min 50 hektar sahədə taxıl əkilmiş, 169 min 910 sentner məhsul götürülmüşdür. Kənd təsərrüfatı məhsulları istehsalçılarına 378 min 716 manat yardım edilmiş, güzəştli şərtlərlə 199 min 960 kiloqram azot, 6 min kiloqram fosfor gübrəsi verilmişdir.
Toplantı iştirakçıları aqrar sahənin inkişafı üçün dövlət dəstəyini yüksək qiymətləndirmiş və sahibkarlara göstərdiyi qayğıya görə ölkə başçısına minnətdarlıqlarını bildirmişlər.
Bölmənin digər xəbərləri
