FHN əməkdaşları ATMU-da nümunəvi dərs keçiblər
Bakı, 9 fevral, AZƏRTAC
Fövqəladə Hallar Nazirliyinin (FHN) Bakı Regional Mərkəzi tərəfindən Azərbaycan Turizm və Menecment Universitetində (ATMU) “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib.
Universitetdən AZƏRTAC-a bildirilib ki, təlimin məqsədi müəllim və tələbələrin fövqəladə hallarla bağlı davranış qaydaları və mülki müdafiə sahəsində biliklərinin artırılmasına, təhsil müəssisələrində baş verə biləcək yanğın və ya partlayış hadisələrinin qarşısının alınması məqsədilə profilaktik tədbirlərin görülməsinə nail olmaqdır.
FHN-in Bakı Regional Mərkəzinin, Dövlət Yanğın Nəzarəti, Kiçik Həcmli Gəmilərə Nəzarət və Sularda Xilasetmə Dövlət xidmətlərinin əməkdaşları fövqəladə halların qarşısının alınması və nəticələrinin aradan qaldırılması üzrə fəaliyyətin təkmilləşdirilməsi istiqamətindən danışıblar. Mərkəzin əməkdaşları mülki müdafiənin əsas prinsipləri, fövqəladə hallar və bununla bağlı davranış qaydaları barədə məlumat verib, mövzuya aid fotoslaydlar və videoçarxlar nümayiş etdiriblər.
Bölmənin digər xəbərləri
