FHN Qaradağ rayonunda orta məktəbdə baş verən yanğınla bağlı məlumat yayıb
Bakı, 10 may, AZƏRTAC
Fövqəladə Hallar Nazirliyi Qaradağ rayonundakı 273 saylı tam orta məktəbdə baş verən yanğınla bağlı məlumat yayıb.
FHN-dən AZƏRTAC-a bildiriblər ki, yanğın məktəbin yerləşdiyi, ümumi sahəsi 5300 kvadratmetr olan ikimərtəbəli binanın dam örtüyündə qeydə alınıb. Nəticədə dam örtüyü 120 kvadratmetr sahədə, həmçinin 15 ədəd mebel avadanlığı (masa və parta) yanıb.
Hadisə ilə əlaqədar 560 nəfər (160 nəfərlik işçi heyəti və 400 şagird) yanğınsöndürənlər tərəfindən təxliyə olunub. Məktəbin qalan hissəsi yanğından mühafizə olunub. Alov yanğın bölmələri tərəfindən söndürülüb.
Bölmənin digər xəbərləri
