Filippin fəlakət qarşısındadır
Bakı, 13 noyabr (AZƏRTAC). Filippində baş vermiş “Hayan” tufanı ilkin hesablamalara görə, ölkəyə 301 milyon zərər vurmuşdur.
BMT baş katibinin köməkçisi Martin Neserk mətbuat nümayəndələrinin suallarını cavablandıraraq bildirmişdir ki, Filippin fəlakət qarşısındadır. Tufan 700 min evi tamamilə dağıtmışdır. Ölkədə ərzaq, su, və tibbi ləvazimatlar çatışmış. BMT öz büdcəsindən fəlakətin nəticələrinin aradan qaldırılması üçün 25 milyon dollar vəsait ayırmışdır. M.Neserk donor ölkələri Filippinə yardım etməyə çağırmışdır.
Artıq Türkiyə, Rusiya, ABŞ və bir sıra Avropa dövlətləri Filippinə yardım göndərmişlər. Bu ölkələrdən xilasedicilər və həkimlər də yardım üçün Filippinə gəlmişlər.
Bölmənin digər xəbərləri
