Filippinin “Manila Standard” qəzeti Xocalı soyqırımına həsr olunan məqalə yayıb
Manila, 10 mart, AZƏRTAC
Filippinin “Manila Standard” qəzeti Azərbaycanın fəxri konsulluğuna istinadən “Azərbaycanlılar Xocalıdakı qırğını yad edir” başlıqlı məqalə yayıb.
Məqalədə qeyd edilir ki, Azərbaycan xalqı 1992-ci ildə Xocalı şəhərində Ermənistan ordusu tərəfindən 613 dinc sakinin amansızlıqla qətlə yetirilməsi ilə əlaqədar hələ də ədalət axtarışındadır.
Xocalı soyqırımı haqqında statistik və digər məlumatların yer aldığı məqalədə vurğulanır ki, bu faciə “Human Rights Watch” təşkilatı tərəfindən “münaqişənin ən böyük qırğını” adlandırılıb. Təəssüflə qeyd olunur ki, azərbaycanlılara qarşı bu soyqırımını törədənlər hələ də cəzasız qalıblar və onlardan bəziləri hazırda Ermənistanda yüksək vəzifələr tuturlar.
Məqalənin sonunda BMT Təhlükəsizlik Şurasının məlum dörd qətnaməsinin 23 ildir ki, cavabsız qaldığı, həmçinin Avropa İnsan Haqları Məhkəməsi tərəfindən Xocalı qırğınının “İnsanlığa qarşı cinayət və ya müharibə cinayətləri sayıla biləcək xüsusi amansızlıqla törədilmiş akt” olmasına dair qərarı xatırlanır və bu günədək həmin faciəni törədən canilərin cəzasiz qaldıqları bir daha vurğulanır.
Vüqar Ağayev
AZƏRTAC-ın xüsusi müxbiri
Manila
Bölmənin digər xəbərləri
