Fiziki şəxslərin əmanətlərinin 65,2 faizi milli valyutadadır
Bakı, 25 dekabr, AZƏRTAC
Fiziki şəxslərin əmanətlərinin dollarlaşması noyabr ayında əvvəlki ilin müvafiq dövrünə nəzərən 0,1 faiz bəndi azalaraq 34,1 faiz təşkil edib.
Mərkəzi Bankdan AZƏRTAC-a bildirilib ki, fiziki şəxslərin əmanətlərinin 65,2 faizi (9,034.8 milyon manat) milli valyutada, 34,8 faizi (4,825.1 milyon manat) xarici valyutadadır. Fiziki şəxslərin əmanət portfelinin 60,4 faizi (8,371.4 milyon manat) müddətli əmanətlərdən ibarətdir. Fiziki şəxslərin müddətli əmanətləri noyabr ayında 0,7 faiz və ya 56,6 milyon manat artıb. Hüquqi şəxslərin tələbli depozitləri 15,833.8 milyon manat olmaqla, hüquqi şəxslərin cəmi depozit portfelinin 74,2 faizini təşkil edib.
Bölmənin digər xəbərləri
